blog

ኢትዮጵያ ታምርት 2018/2026

በከፍተኛ እድገት!

ኢትዮጵያ ታምርት፦ የሀገር በቀል ምርቶች ትንሳኤ በ2018 ዓ.ም!


በአሁኑ ሰዓት በአዲስ አበባ ዓለም አቀፍ የኤግዚቢሽን ማዕከል የኢንዱስትሪ ዘርፉን ትልቅ ተስፋ የሰነቀው “ኢትዮጵያ ታምርት” ኤክስፖ በደመቀ ሁኔታ እየተካሄደ ሚያዝያ 30/2018 ተጠናቋል። ከሚያዚያ 25/2018 ዓ.ም ጀምሮ ለተከታታይ ቀናት የሚቆየው ይህ ታላቅ ኩነት፣ የሀገራችንን የማምረት አቅም ለዓለም የሚያሳይበት ልዩ መድረክ ሆኗል።
ይህ ኤክስፖ ለምን ልዩ ሆነ?


የአምራቾች መሰባሰብ፦ ከ300 በላይ ታዋቂና አዳዲስ አምራች ኢንዱስትሪዎች በጨርቃጨርቅ፣ በቆዳ ውጤቶች፣ በምግብና መጠጥ እንዲሁም በኬሚካል ዘርፎች የጥራት ደረጃቸውን የጠበቁ ምርቶቻቸውን ይዘው ቀርበዋል።
ተጨባጭ ስኬቶች፦ “ኢትዮጵያ ታምርት” ንቅናቄ ከተጀመረ ወዲህ ከ600 በላይ ስራ አቁመው የነበሩ ፋብሪካዎች ወደ ስራ ተመልሰዋል። ይህም ለሺዎች የሚቆጠሩ ዜጎች የስራ እድል ከመፍጠሩ ባለፈ፣ የሀገር ውስጥ ምርት አጠቃቀምን አሳድጓል።


ከውጭ የሚገቡ ምርቶችን መተካት፦ በዘንድሮው ኤክስፖ ላይ የታዩ ምርቶች እንደሚያሳዩት፣ ቀደም ሲል በከፍተኛ የውጭ ምንዛሬ ከውጭ ይገቡ የነበሩ ምርቶችን በሀገር ውስጥ መተካት መቻሉ ትልቅ ድል ነው። ይህም በቢሊዮን የሚቆጠር ዶላር ማዳን አስችሏል።


ዲጂታል ትስስር፦ አምራቾች በቀጥታ ከገዢዎች ጋር የሚገናኙበት “E-Tamert” የንግድ መድረክ (B2B platform) ዘመን ገበያ እና በግል መቶ ገበያ እንደ አማራጭ በስፋት ስራ ላይ መዋላቸው ለዘርፉ ዘመናዊነት ሌላኛው ምዕራፍ ነው።
የእኛ ሚና ምንድነው?


ሀገራችን ወደ ብልጽግና የምታደርገው ጉዞ ስኬታማ እንዲሆን የኢንዱስትሪው ዘርፍ የጀርባ አጥንት ነው። እኛም እንደ ዜጋ የሀገር ውስጥ ምርቶችን በመጠቀም፣ አምራቾቻችንን በማበረታታትና የጥራት ደረጃቸው እንዲሻሻል ግብረ-መልስ በመስጠት የበኩላችንን መወጣት ይኖርብናል።


ኢትዮጵያ ታምርት፣ ኢትዮጵያ ትበልጽግ!

Leave a Reply

Your email address will not be published. Required fields are marked *